「點解你會想做義工嘅？」
其實未join PrideLab之前，我都低調地活躍於不同男同志組織入面。有做參與者，都有做搞手帶活動。自知自己志不在站在同運最前線的那種，所以好想透過自己搞嘅活動，一步步令參加者對LGBT+有更深入的認識，從而教育佢地。
其實真係要多謝網絡嘅存在，我先知有PrideLab呢個page，有呢班人做緊同運嘅事。由於個排自己好想參與有關同志組織嘅義工活動，又碰巧俾我見到有呢個page，又碰巧個時佢哋招緊義工，然後我就inbox佢地，然後，我的第一次就係觀塘無咗。。。
所講嘅第一次，係第一次參與一個集各家之大成嘅組織。第一次參加一個組織係女多過男！平時D hehe組織係無可能發生，然後入面有同性戀、異性戀、無性戀、泛性戀、跨性別的人共冶一爐，呢件事對我黎講實在太新奇，自己除咗男同志之外，其他面向的性小眾其實認識不多，所以就繼續參與佢哋之後嘅活動啦！
藍編係失憶嘅金魚，之前發生過D咩真係開始腦退化。不過今年呢除左繼續做藍編，出無限個hehe post之外，都參與多咗活動統籌嘅角色。呢度可發揮嘅點好闊，你諗到而係實行到嘅，通常都俾你搞。最深刻有二，一係男同志BDSM班，因為聽說話想同Tommy仔合作搞男同志/ 女同志BDSM班，然後我就自薦做男同志班負責人，一來自己都有點興趣，二來又可幫助社群破解大眾對BDSM的迷思。所以就開始了我同Tommy仔嘅合作，以及BDSM的關係了。
其實未負責之前，真係唔算好了解BDSM為何物，不過經過開班之後，對呢方面都了解多左，同時都喜見參加者有不少得著，藍編都老懷安慰。（利申：我還年輕 我還年輕）（感受唔講太多，有性趣自己問我）；其二就係2018年尾搞嘅PARTY，雖然有些事原來不像你預期，不過總體來說都係順利又開心。
藍編，2016年尾加入PrideLab成為實現員，2017年開始為PrideLab專編Hehe事，2018年成為組織聯誼及男同志活動主要搞手。