Skip to content

PrideLab

Be the change

  • 認識 PrideLab
    • 傳媒報導
    • 實現員心聲
  • 我們的創作
    • 錄像影片
    • 攝影
    • 設計
    • 出版
  • 多媒體製作服務
  • 性/別多元培訓
    • 培育計劃
  • 義賣網店

街訪

PrideLab考考你 – 一點粉紅知多少

October 7, 2016December 18, 2017 PrideLab錄像影片
Featured Video Play Icon

PrideLab首次去一點粉紅踩場 捉住一個個粉紅朋友問佢地究竟對一點粉紅知多少

Read more

FOLLOW OUR IG

pridelabhk

認識無浪漫傾向社群

Aromantic 中文有翻譯成 無浪漫或者無戀愛. 簡稱Aro 
有啲人會喜歡陽剛氣質性 ,有啲人會喜歡陰柔氣質
當有啲人會 why not both . 自不然就有人會 “Why NOT” 

記得尊重每一位性小眾,因為被人否定都係難受嘅

外國嘅Aro族群為咗令更多人認識佢哋
於是2014年開始,每年舉辦Aromantic Spectrum Awareness Week
而今年嘅 ASAW就係2月21號-27號 

我哋都會喺2月27號搞網上吹水會 
請咗兩位Aro嘅朋友仔 分享下自己嘅故仔 
想了解多啲記得去bio link 加入 PrideLab Discord 
報名成為 PrideLab個Friend

#無浪漫 #Aromantic #Arospec #Aro #ASAW #Aroweek
#hklgbt #queer #LGBTQ #lgbtcommunity
#pridelab #pridelabhk #性小眾 #香港性小眾 #香港同志
【Ace Wild - Ep10】別玩弄我 3 
才不管盒子上還寫了什麼,沒人規定只能有一種用途~

Ace為 #Asexual #無性戀者 的簡稱。泛指感受不到他人發出的性吸引力的人。 
為使大家更容易了解無性戀者的感受與心聲,PrideLab特意與AcesWild的原作者 @sallyvinter 聯繫並取得授權,發表 #AcesWild 系列漫畫的正體中文版。 
請大家多多支持連載!

#pridelab #pridelabhk #DareToBe
#AcesWild授權漢化 #狂野王牌 #來認識無性戀
#無性戀 #acefamily #性傾向 #性小眾 #同志 #香港同志 #香港性小眾
#漫畫  #comic #香港漫畫 #asexualcomic
除左趁新年去廟宇拜月老求姻緣,想出Pool想拍拖嘅你仲需要知道6件事:
1️⃣唔好咁多「以為」
無論你係點樣識到對方,第一次同對方單獨dating,你就當係正常出去食餐飯、傾過偈,先唔好用對方嘅性/別氣質判斷一切,又或者一路驚人哋唔鍾意你,心大心細諗完一輪搞到自己緊張埋。😖
香港嘅朋友,而家約夜晚出嚟就難啲,咁咪約晏晝囉。即使你傾到中途覺得好似冇咩好傾,氣氛撠撠地,個vibe唔係好啱嘅話,仲有機會話自己有其他活動要走先。你舒服得嚟,對方都好落台。👌🏻
-
2️⃣“Face-to-face time” 省卻誤會
而家有好多交友app可以畀你睇樣先決定要唔要傾偈,但畢竟嗰啲平台都係強調外協,你係想交心,唔係交媾嘅話,最終都係講求雙方價值觀同生活態度。試吓畀個機會自己,唔好再秒回人地text,直情約出嚟,或者開個虛擬meeting。見到對方即時嘅表情同反應,好過你估人哋message裡面啲表情符號啦。😎
-
3️⃣第一次約出街應該去邊?
好多人會諗到去睇戲,因為可以坐得埋啲。但話明第一次,應該係盡可攻退可守。如果對方係網友,擔心自己人身安全嘅話,咁咪約日頭去一個公眾地方,唔想掃描QR code嘅話,香港仲有好多露天地方,行吓、坐吓都得架啫。🌞
唔好忘記上面提過,真人互動最特別之處,就係你可以睇到佢當刻嘅反應。成個互動過程,包括說話同身體語言,雙方都不停摸索同埋彈性判斷,好似跳tango噉。
-
4️⃣每個人都有第一次...同陌生人傾計
好多人都驚唔知點開口,其實每個人都有第一次,專家都係透過累積經驗先做到專家啦。所以唔使擔心自己講嘢唔夠charm,或者奇奇怪怪。如果你怕出事,可以先多觀察對方反應。從你有興趣嘅題目開始講,睇吓對方回應。如果雙方係傾得埋嘅,咁咪繼續傾囉。但係如果佢冇興趣,或者聽唔明,就睇吓對方仲有冇野想延伸或者問返你。
一個對話一定會有give and take,亦即係話,唔會得其中一方講晒。如果你好鍾意講嘢嘅話,就唔該留意吓對方會唔會因為你熱情嘅反應而冇機會回應,至少計下對方回應你嘅次數。咁如果你係相反,比較慢熱嘅朋友仔,就試吓用眼神、笑容,或者用停頓(即係唔出聲,淨係點頭)去表示你需要一個停頓去回應。
-
5️⃣做最舒服嘅自己
如果你想舒舒服服同對方一齊嘅話,咁就唔好一開始做啲根本唔屬於你風格嘅打扮啦。你可能會覺得:大家都睇樣食飯㗎喎。我唔係叫你着到好似落街買飯噉,而係你唔需要夾硬做一個根本唔屬於你嘅角色出嚟。性格同立場都係,如果你同對方係有分歧,譬如你食開肉,對方係食齋嘅話,咁咪揀個兩個都可以舒服做自己嘅地方,唔使一下就迫自己180度改變。性向同浪漫傾向都係,每個人需求都唔同,真係要表達出嚟,對方真係get到,先係磨合嘅開始。你可能覺得為對方改變自己好偉大,對方覺唔覺得係咁,其實係另一件事。你一時迎合到對方鍾意嘅風格,都無辦法迎合到一世。因為你係你,佢係佢。
-
6️⃣人揀你,你揀人,相信自己直覺
最後都要講返老生常談,就係唔使太擔心對方點樣睇自己,自己都要撫心自問,究竟真心有幾鍾意對方。通常佳節前後,就會單身朋友好恨(為拍拖而)拍拖嘅時候,覺得拍拖就可以好開心 ➡️ 可以買好多嘢氹對方開心 ➡️ 放閃好多人羨慕etc。撇除一堆送禮物洗錢嘅嘢,一段交心嘅關係當中,使錢嘅部份只係佔一部份。咁當然會有人覺得自己有錢,送嘢、請客自己happy,但係呢個方法唔係永恆道理,至少錢綁唔得曬人心。 
穩定嘅關係需要時間同對方磨合同溝通(而溝通唔係口不對心仲要人估嘅嗰一款)。唔好忘記,你有自己嘅價值觀,如果今次遇到嘅對象你係覺得麻麻地,咁咪做住朋友先囉。關係嘅嘢冇咁快一步登天😘
—————

#pridelab #馬天娜 #性事傳紙仔
#性別 #感情 #關係 #親密關係
#情人節 #出pool #所有性別 #AllGender
【Ace Wild - Ep9】別玩弄我 2 
即使是健康的生活方式,也注意別把朋友拖去他不想去的地方,不然本來是想減壓的,卻變成壓力的來源,那就本末倒置啦

Ace為 #Asexual #無性戀者 的簡稱。泛指感受不到他人發出的性吸引力的人。 
為使大家更容易了解無性戀者的感受與心聲,PrideLab特意與AcesWild的原作者 @sallyvinter 聯繫並取得授權,發表 #AcesWild 系列漫畫的正體中文版。 
請大家多多支持連載!

#pridelab #pridelabhk #DareToBe
#AcesWild授權漢化 #狂野王牌 #來認識無性戀
#無性戀 #acefamily #性傾向 #性小眾 #同志 #香港同志 #香港性小眾
#漫畫  #comic #香港漫畫 #asexualcomic
Strap-on,又叫「穿戴式」,就係將性玩 Strap-on,又叫「穿戴式」,就係將性玩具用嘢綁落個身度,騰空你對手嘅方法。呢個方法其實不限性別,亦不限性別氣質,你本身有一碌,可以加多碌;冇嗰碌,都可以臨時加多碌。但係玩還玩,你識唔識玩先?
疫情繼續影響我地,少咗出街嘅你,可以趁呢段時間睇左呢篇練下功先。等你實戰嘅時候,唔會好似成個「鳩揈揈」,冇人想尷尷尬尬嘅係咪先:)
——
1. 集齊道具
Strap-on 有分fixed-size同free-size兩種。固定款好似底褲或者一個包住屁股嘅框噉,要跟自己尺碼買,同埋扣住按摩棒個圈通常得一個直徑(所以唔該check 埋兩邊直徑)。Free-size就好似著皮帶噉,按自己尺寸扣住,限制少啲,適合plus-size朋友。

仲有一種叫Feeldoe,形狀好似L字型嘅「雙頭龍」。因為呢種主要係靠身體夾實,所以先唔詳細講。

同埋揀啱潤滑劑都好重要呀!尤其係入菊花嘅pegging,就更加需要有持久潤滑劑旁身。
———
2. 習慣Strap-on與你融為一體
Strap-on 雖然屬於身外物,但係同其他玩具唔同,佢係綁上身嘅道具。你幻想下,成件事有啲似著住條三角褲啪啪啪,一開始著上身,正常都會覺得有啲怪。所以如果環境許可,試下平日就噉著住做野,等自己適應下先。
———
3. 無法可修飾的一對手
Strap-on本身好處係可以免提,但係如果角度唔啱,死拮爛拮,對方同你勉強都冇好結果。所以如果你手上的按摩棒質地太彈,太“biao”嘅話,請你~用返對手,調整下位置先好篤。
———
4. 學埋體位
買到strap-on唔係就噉期待可以篤人咁簡單,順便search埋點樣嘅體位,例如狗仔式、牛仔式、坐蓮式,唔同嘅角度,可以刺激到對方裡面嘅敏感帶,或者調整唔同深度,唔係下下都要all in,都要視乎對方接受能力,一步步嚟,先襟玩㗎嘛!
———
5. 世界好大,有機會試多幾款
唔好以為Strap-on 淨係可以綁褲襠位,市面上仲有綁喺身體其他位,例如大腿、下巴,膝蓋、手臂嘅少數款式。用唔同身體部位嚟出力,效果自然不同。老套講句,唔好一套Strap-on 走天涯。預算許可嘅話,試多幾款玩下,可能會發現到新天地。
———
6. 新手嘅你:記得問對方感受
插還插,因為你用按摩棒,冇辦法百分百感受到對方裡面嘅角度,所以有時候表面上篤左入去,但係對方可能會覺得頂到啲奇怪位,又或者速度要互相配合,所以記得要問下對方覺得點,唔係聽到呻吟就快馬加鞭,隨時整痛人都唔知 :< 

😚講住咁多先,有問題歡迎message @pridelabhk 或者 @mtna.sc 
文:馬天娜 @mtna.sc
畫:陳驚 @chankenn
//
#PrideLab #pridelabhk #LGBT #馬天娜 #性事傳紙仔
#性玩具 #sextalk #同性戀 #男同志 #lesbian #女同志
故事來自真人真事 香港人都應該知香 故事來自真人真事

香港人都應該知香港嘅公營醫療資源有幾緊張
內科病房更加係長期爆床位 . 資源唔夠就梗㗎喇
喺大ward乜年紀同性別病人都會有

聽完呢個故事,身為性小眾組織,我哋有好多疑問
姑娘點解唔行去拉要接受檢查嘅病人張床嘅簾?
阿嬸點解覺得比其他女人睇就唔係問題?
俾一個外表似男人嘅女人睇就唔得? 
病房會唔會出現其他男人 ? 例如男性醫療助理職員? 

病人阿嬸擔心眼見對面床嘅病人,而覺得尷尬呢個感受都無錯。
但明明呢個係阿嬸嗰邊嘅治療,又會走咗去對面郁病人嘅簾嘅?
護士可能都無心嘅舉動,只係心急下嘅操作反應 

但因為性別表達唔同,就要受到同其他女病人唔一樣嘅粗魯對待。呢份難受真係只得硬食一個出路?

香港有唔少場所以性別區間,現時入境處現行有必須完成相關外科手術,先可更改証件嘅要求。
跨性別未必每1位都想進行相關醫療。
就算想換,要完成整個醫療過程,至少都有幾年。

因性別外表與証件不符,而發生嘅誤會似乎係避無可避?

插畫:阿譚 @rawnm94

#PrideLab #LGBT #LGBTcomic #HKLGBT #trangender
#香港漫畫 #香港插畫 #漫畫 #插畫 #性小眾
#跨性別 #性小眾友善醫療
故事來源自女同志交友論壇👭🏻

聽到都覺得荒謬,到底問嘅人想對方點答?

A.「係呀!我啲屋企人死晒喇。」
B.「係呀!我無晒屋企人,佢哋接受唔到我係同性戀。」

又話說病情屬個人私隱,選擇信任邊個人陪診其實關醫護人員咩事呢?
有無醫護人員可以留言講解下點解咁需要問人屋企嘅?

跟據政府新聞稿,政制及內地事務局2019年就開始為醫護人員舉辦簡介會,向佢哋介紹新制定嘅培訓資源,以提高對性小眾的認識和敏感度。

照顧者嘅關係真係好多元。可以係上契、可以係傭人、可以係朋友, 仲有喺你面前未必敢出櫃所以話自己係朋友嘅同性伴侶。

#PrideLab #LGBT #LGBTcomic #HKLGBT
#香港漫畫 #香港插畫 #插畫 #漫畫 #播圖
#性小眾 #同志 #同性戀 #照顧者 
#同志友善 #同志友善醫療 #性小眾友善醫療

插畫:阿譚 @rawnm94
馬天娜嘅 #性事傳紙仔 黎啦!
-
【本文希望拋磚引玉,期待日後有更多ACE社群的討論!】
講到「#無性戀 」,好多人就憑字面意思,以為係「唔識扑野」或者「無慾無求」。實際上,無性戀議題反而仲關性解放事!點解?繼續睇落去啦!
-
▶️所謂「無性」,其實唔係一個on/off嘅對立,而係一個頻譜。無性戀無一個特定嘅標準,ACE (無性戀Asexual)族群之中,對性同埋浪漫嘅傾向比例都唔同。有英國嘅紀錄片接受訪問過無性戀者,當中因爲講左一句“I don't want sex”而俾觀衆留下無性戀者嘅刻板印象。而不幸嘅係,連LGBTQI+ 社群嘅朋友都未必對ACE有足夠了解​​,仍然停留喺一啲既定印象。
-
無性戀者唔係個個都單身、無曬性慾,甚至厭惡Sex呢回事,而係講一個人唔一定要經歷性吸引。有人可能覺得自己唔追求性生活同高潮,亦都有人覺得以前佢曾經對性有好奇,體驗過,依家覺得無興趣。
-
❓咁關性解放咩事呢?
因為依家多左人意識到自己「無」嘅傾向,反而更講求關係之中Sex同埋浪漫的成分、形式同埋比例(好似講到煮飯咁)。前幾代嘅無性戀者可能會被人質疑「你未享受過高潮有幾正啫」「點會呀你咁後生血氣方剛」,依家多左人認真討論,反而其實令其他族群知道
🌟每個人有自由表自己取向,但取向並唔一定包括性。🌟
繼而其實會帶起「consent同意性行為」嘅基礎,即係自己根據心理同性需求,去表達同追求關係,而唔再係因為乜鬼「男人就有獸性」、「扑野係生理需求」、「拍拖就係要扑野」、「扑野先等於愛對方」等等社會文化制訂嘅「定律」,而受到壓力同對方發展性關係。
#性 #性別 #性事 #性小眾 #genderstudies #acefamily
#AcesWild授權漢化 #狂野王牌 #來認識無性戀
#AcesWild08別玩弄我
真是充滿了喜劇效果的意外啊~
註: DILDO, NL, CANADA為實際地名,此小鎮與性玩具同名而廣為人知

#AcesWild08DontToyWithMe1 English Version:
https://www.deviantart.com/sallyvinter/art/Aces-Wild-08-Don-t-Toy-With-Me-1-689944006

Ace為 #Asexual #無性戀者 的簡稱。泛指感受不到他人發出的性吸引力的人。
為使大家更容易了解無性戀者的感受與心聲,PrideLab特意與AcesWild的原作者聯繫並取得授權,發表 #AcesWild 系列漫畫的正體中文版。
請大家多多支持連載!
原作者Sally Vinter Instagram:
https://www.instagram.com/sallyvinter/
原作者Sally Vinter DeviantArt網站:
https://www.deviantart.com/sallyvinter
Follow on Instagram

PrideLab

info@pridelab.hk
  • 聯絡我們
Powered by WordPress | Theme: Astrid by aThemes.