講起「學會」都會令人回想中學時候嘅回憶，今次同GSC三個不同身分嘅嘉賓傾，真係再次印證創業同守業一樣難。
當一個學會由中學生發起、推廣、運作，以及面對中學畢業、交接、未有資源支持嘅時候，一個「由學生創立，提供學生乃至大眾的性/別普及教育」嘅組織點樣維持初心呢？又點樣傳承呢？就同大家一齊聽聽三位嘉賓嘅說法！
認識GSC 香港學生性別研究學會：https://linktr.ee/hks_gsc
主持：馬天娜（@mtna.sc）
Podcast專屬網站：https://www.pridelab.hk/podcast/
請PrideLab飲咖啡：https://buymeacoffee.com/pridelabhk
（活動動態及更新依 Moderati 及 Harmonics Choir 作準）
音樂與歌詞改寫，融入 LGBT+ 組織嘅故事，會有點樣嘅化學作用呢？
邀請 Moderati 同諧夢和聲 Harmonics Choir 嘅代表同我哋透露吓籌備一場音樂會嘅心路歷程：
仲有提到「1.5次」創作過程嘅有趣事！
《我一伸手抱住你》音樂會購票：https://www.art-mate.net/tc/doc/96072
日期：2026年6月14日
時間：8 pm
地點：香港兆基創意書院多媒體劇場
主持：馬天娜（@mtna.sc）
Podcast專屬網站：https://www.pridelab.hk/podcast/
請PrideLab飲咖啡：https://buymeacoffee.com/pridelabhk
講完組織，當然唔少得講同志遊行，之前嘅遊行路線原來喺google map上睇喺得咁樣嘅距離？！
繼續同Connie一齊回顧香港同志事與歷史。
主持：馬天娜（@mtna.sc）
Podcast專屬網站：https://www.pridelab.hk/podcast/
請PrideLab飲咖啡：https://buymeacoffee.com/pridelabhk
Ref：
90年代香港同志文化地圖 IG
留言俾我哋！
喺一場分享會，讓我遇到Connie，誠邀佢同我哋分享2025年舉辦嘅一個展覽。
以前嘅同志組織原來會做月老？一間les bar 對同志有咩意義？
兩個紀錄者，一個收集實體印刷品，一個收集語音訪談，會有點樣嘅火花呢？
主持：馬天娜（@mtna.sc）
Podcast專屬網站：https://www.pridelab.hk/podcast/
請PrideLab飲咖啡：https://buymeacoffee.com/pridelabhk
Ref：
90年代香港同志文化地圖 IG
第六季用傾劇集作為開頭，3個觀眾輕鬆講入坑原因，有咩劇情最有印象，睇過劇嘅你又記得咩深刻對白呢？
Leave a comment and share your thoughts:
主持：馬天娜（@mtna.sc）
Podcast專屬網站：https://www.pridelab.hk/podcast/
請PrideLab飲咖啡：https://buymeacoffee.com/pridelabhk
19年後有一波移民潮，唔少香港人都移居外地，當中當然包括同志，今次同聽眾網友一齊錄音，繼續同客席嘉賓Wing 講吓居英港人同志嘅觀察。
Ref：
https://prideinlondon.org
https://romanroadlondon.com/the-backstreet-gay-leather-fetish-club-mile-end/
Blue Labour group urges ministers to ‘root out DEI’ to win over Reform voters
https://www.theguardian.com/politics/2025/jun/02/blue-labour-group-urges-ministers-root-out-dei-win-over-reform-voters
Leave a comment and share your thoughts：https://open.firstory.me/user/ckqyv4yacz0n809764qpzrqud/comments
主持：馬天娜（@mtna.sc）
Podcast專屬網站：https://www.pridelab.hk/podcast/
贊助主持人：https://buymeacoffee.com/mtnahk
有無印象幾年前有一個中學生上載咗條片，希望爭取每個人可公平選擇頭髮長度呢件事？
最近有機會俾我遇到林同學，一次過回顧同討論「髮禁」事件嘅前因同目前發展。
關心Podcast 嘅朋友可能會發現今季開始唔係好穩定，面對「不穩定氣流」同埋局勢，默默做聲音記錄都係一個方式。
如果你都係讀緊中學而又遇到類似林同學經歷過嘅事，歡迎你透過呢個Instagram 接觸「吾髮」： https://www.instagram.com/hairliberals
主持：馬天娜（@mtna.sc）
Podcast專屬網站：https://www.pridelab.hk/podcast/
贊助主持人：https://buymeacoffee.com/mtnahk
留言俾我哋：https://open.firstory.me/user/ckqyv4yacz0n809764qpzrqud/comments
雖然集數唔頻密，但係默默咁做，都黎到第五年。
回顧一開始由一個人嘅想法，到之後提交計劃書希望可以有資源支持，之後成為一個工作小隊，HER Fund都為《點止港同志》推一把。
順便同大家介紹呢個香港唯一以撥款及能力培訓，推動性別平等的民間女性基金會。
2025/26年度HER Fund 一般撥款（第一輪）將於2025年5月上旬接受申請，
網上簡介會連結：https://forms.office.com/r/HUVjbePPZr
Podcast留言連結：https://open.firstory.me/user/ckqyv4yacz0n809764qpzrqud/comments
主持：馬天娜（@mtna.sc）
Podcast專屬網站：https://www.pridelab.hk/podcast/
贊助主持人：https://buymeacoffee.com/mtnahk
呢個Podcast 未完㗎！斷片休息幾個月，繼續點止港同志！
2024年底我哋訪問L‘Paradis 了解老闆 Van 搞過幾間Les Bar 嘅心路歷程，同埋夥伴兼接棒人泳霖嘅想法，一間Les Bar 係點樣見證社會變遷，因應時代轉變呢？
2025 新店 Lessy： https://www.instagram.com/lessy_5f/?hl=en
尖沙咀漆咸道南57～59金馬倫中心五樓全層
過往資料：https://www.timeout.com/hong-kong/bars-and-pubs/l-paradis
Leave a comment and share your thoughts: https://open.firstory.me/user/ckqyv4yacz0n809764qpzrqud/commentshttps://open.firstory.me/user/ckqyv4yacz0n809764qpzrqud/comments
主持：馬天娜（@mtna.sc）
Podcast專屬網站：https://www.pridelab.hk/podcast/
贊助主持人：https://buymeacoffee.com/mtnahk
從搞行動到政策倡議，煒煒都有同同運夥伴們經歷過，當中要保持嘅心態要係點呢？雖然喺歷史，但呢啲同運足跡都值得被記錄。
主持：馬天娜（@mtna.sc）
Podcast專屬網站：https://www.pridelab.hk/podcast/
贊助主持人：https://buymeacoffee.com/mtnahk
俾啲意見我哋呀！https://open.firstory.me/user/ckqyv4yacz0n809764qpzrqud/comments
M：馬天娜
W：煒煒
M：歡迎返嚟《點止港同志》，我係主持馬天娜。上一集就同阿煒煒講咗一啲佢所謂嘅黑歷史，跟住亦都回顧返由1998年開始，佢自己加入咗呢一個同運嘅圈子，跟住慢慢地講咗我哋時代嘅差異。噉上一集我都有講到今集會請煒煒去分享下講呢個涉足於呢一個消除歧視條例嘅呢一個角色，就因為佢有個噉嘅身份呢，呢啲嘅部分呢，先係值得記錄，因為呢啲係冇辦法複製或者冇辦法去體驗得到，噉所以就只能夠推返阿煒煒出嚟同我哋講下呢件事。我呢，首先講下我嘅少少嘅理解啦，其實呢個消除歧視性小眾嘅諮詢小組係2013年開始啦，好似 Last 咗三年左右，因為本身就係諗住要去消除呢個歧視性小眾嘅策略同埋措施嘅。噉呢三年發生咗啲咩事呢？你同呢個平機會嘅角力，或者佢哋嘅互動又係點呢？噉就要請阿煒煒同我哋娓娓道來。
W：呢個小組我簡稱叫小組啦，因為個名我都係冇辦法讀得到。噉呢，我覺得係特登嘅，如果個名咁難讀等你哋唔好記得佢出現過。噉呢係政府搞嘅，嘗試去搵啲同志嘅人或者反同志嘅人，一齊就去做一個諮詢嘅平台，噉我哋直接就有一個時間同政府去溝通，噉樣就嘗試去做一啲同反歧視嘅政策或者法律有關嘅嘢。噉 EOC（平機會）係第二嚿嚟嘅，EOC 呢嚿嘢就係，其實都係嗰時同一時間進行嘅，差唔多好接近嗰個時…時期係好接近去進行嘅，因為嗰幾年呢，咁啱嗰個討論係比較蓬勃啲嘅，即係同政府嘅討論。噉 EOC 就一嚿啦，跟住政府嘅就另一嚿啦。
M：EOC 係平機會呀。
W：平機會一嚿啦，跟住政府呢個嘅又一嚿啦，兩嚿嘢嚟嘅其實。
M：我哋就可以從呢個小組開始講啦，小組係政府去開咗呢一個 Offer 出嚟。噉以我呢個真係…非常之行外嘅人士，冇接觸到呢三年發生過啲咩事呢，我就先想像就係好似去旅行，你要有個 Preparation，你要 Plan 你嘅 Itinerary，你要 Plan 個行程㗎嘛。噉你都要諗下你，你要期待要得到啲乜嘢，你諗下你要買啲乜嘢手信返嚟。我諗緊如果你要……即係如果我係要即將要同呢個政府嘅部門講嘢嘞，噉我哋要開會嘞，噉當時候嘅你，你哋有準備咗啲乜嘢嘅嘢喺手，跟住先行入去嗰個部門度呢？
W：呢個小組嘅嗰個過程呢，即係其實嗰個準備係要你由一路嘅你對呢個議題嘅認識到去，你要去其實你好想，喺呢個小組裏頭你想得到啲乜嘢嘅。噉而得到啲乜嘢呢，然後你仲要排你嘅 Priorities，你會最想要啲乜嘢，跟住有啲乜嘢嘅嘢呢，係對方係最能夠畀到你嘅，有啲乜嘢嘅係對方最唔想佢畀到你嘅，呢個嘢個 Outcome 你希望會得到啲乜嘢嘢。因為呢個嘢講緊一開始已經知道係一個以年計嘅會嚟嘅，即係佢係呢幾個月就返嚟 Call 你一次，跟住你又有工作計劃喺小組佢問你啲咩，然後就有邊個喺入面。噉呢嚿嘢就係，你好似同佢打一場持續三年嘅一個可能…嘅一場…可能係籃球噉樣，要去呢個過程裏面要去噉樣做。而呢個籃球比賽其實係有幾隊人喺裏面一齊打嘅，因為係有反同志嘅，係有明光社嘅人啦，有反對嘅當時嘅立法會議員啦，有學者啦，噉有支持嘅學者，有啲冇咁支持嘅學者，有啲比較中立嘅學者，好反對就冇學者嘅，好反對都係團體同埋議員比較明顯啲嘅。有基督教嘅背景嘅人啦，有支持同志嘅基督教嘅人，同埋反對同志嘅，嗰盤棋係噉樣嘅。當時我哋可以做嘅嘢，首先我哋喺中間其實係一個就變成好唔同…同我哋上一集講嘅好唔同，上一集就係去挑起個 Confrontation，因為去做一個行動，其實我哋想要一個衝突嘅畫面；但係去到去做呢一類嘅政治游說嘅工作，其實共識先係最緊要，我喺個會度狂屌佢哋係冇用嘅，我唔係一坐落個會度狂屌嗰啲明光社呀，鬧佢…
M：你反同！
W：鬧佢做啲咩咩咩呀，屌你啦，你恐同撚，你搞乜鳩呀你坐喺度，你喺度阻撚住我呀……唔係，即係個狀態就係完全唔同哂，係會同佢哋去嘗試，同佢哋去找出共識，找出大家係一樣嘅嘢，找出一啲大家都接受到嘅嘢，係由嗰度開始。
M：你開咗一個好好嘅頭，我好驚訝你點樣可以同到佢哋班人搵到一個共識。
W：係有㗎，嗰陣時我同嗰陣時當年嘅一啲明光社嘅人有一段時間嘅關係，算係好㗎，哈哈哈！當年其實除咗明光社，亦都有親建制嘅人，有支持同志嘅人同埋唔支持同志嘅人啦，其實佢哋係唔同嘅身份，唔係咁多個人係一個一個嘅，佢哋係有身份重疊嘅，噉但係佢哋係會有呢啲噉嘅情況。係喺呢個過程，係要點樣同佢哋 Friend，而其實你會見到政客係真係政客，政客嚟到，佢喺出面鬧同志，佢坐到嚟嘅時候其實佢都係唔同嘅樣，喺一個閉門嘅會議底下，態度都係好唔同。
M：所以係一個閉門會議，頭先煒煒 Mention 咗呢個 Term 呀，閉門會議好似有啲嘢不一樣嘅。噉等你繼續講埋先。
W：冇錯嘞，呢個係一個閉門會議。有陣時有呢一類嘅協商係會係真係一個閉門嘅環境，噉就係去大家去……你話點解你會同佢攞到共識嘅？係有一啲嘢係真係可以得到共識，係可以噉樣。
M：我哋頭先都提到，呢一個小組就歷時三年，噉開咗個頭，跟住就有個 On and off 有啲唔同嘅會議噉樣，噉你就準備好你大概嘅立場、底線，諗住點樣可以尋求共識。我哋快速去到最尾，請問呢個會議如何結束嘅？
W：呢個會議結束得都幾難睇嘅，但係呢雖然結束得好難睇，但係最後係我哋三個最激進嘅成員係 Walk out 嘅。呢個都係某程度係我哋一個計算之內嘅，即係嗰個 Walk out，雖然其實呢個政府冇 Recognize，但係唔緊要。噉但係其實中間嘅過程就係講個 Priority，即係當然我哋最想要嘅係咩，就係當然係性傾向歧視立法啦，呢個係最想要嘅嘢當年噉樣。然後次要一啲嘅係會係啲咩，次要一啲嘅可能就係一啲承諾、時間表、路線圖。再次要一啲嘅可能就係一啲服務，一啲畀 LGBT 嘅服務，即係呢個係當時大概嗰個 Priority。然後就係由最容易嘅開始傾啦當然，最容易嘅就係服務噉樣。因為其實少少背景就係當時其實已經通過咗呢個家暴條例嘅，即係家暴條例通過咗已經幾年㗎嘞應該，噉所以其實我哋都開始其實係透過家暴條例其實我哋開始同比較多嘅社福機構係可以聯絡得到，或者有啲位變咗可以同佢哋有偈傾嘅噉樣，噉所以其實當時一個嘅 LGBT 嘅服務，一個專為 LGBT 嘅社會服務，就係我哋嘅一個入手點。因為其實當時仲有個討論就係話，其實呢啲同志你咪去返嗰啲綜合家庭服務中心咪得囉，綜合家庭中心係服務所有人嘅，所以都服務同志嘅。但係我哋梗係話唔係呀，你哋嗰啲社工又唔識做呀，你哋啲社工去到話跨性別係咪變態呀，你哋社工噉樣，噉你點做呀，你點叫我哋同志去求助呀，噉樣呀。噉喺呢個環境底下呢，所以我哋個最容易嘅，即係我哋叫做第一個 Goal 就係希望去得到一啲畀 LGBT 嘅服務，噉而其實呢樣嘢係成立咗，就係大家而家見到嘅「同．一線」，專為 LGBT 而設嘅一個服務。即係多定少就即係大家可以評論呀，做得夠唔夠、好唔好，大家都可以討論呀，噉但係由冇到有係喺呢度嚟㗎囉呢件事。
M：嗯，我又聽到另一個字呀，「同．一線」，係啦，因為呢樣嘢我都覺得係一個對於好多聽眾嚟講都係一個新嘅資訊嚟嘅，因為唔少嘅聽眾們光認識呢個性別圈子就知道有「同．一線」，但係「同．一線」唔係石頭爆出嚟，即係佢點樣去有開立呢個服務然後繼續營運都會有一個契機，或者有一個原因要繼續做，原來就係喺呢個會議裏面聽到有噉樣嘅…即係 At least 以服務嘅 Approach 去得到呢一個……At least 有一個成果啦，即係有一個階段噉樣。係啦，跟住呢？
W：係嘞，跟住就係陷入咗呢個泥漿嘅摔角階段。就係因為我哋好想要立法，如果冇立法都希望有呢個時間表、路線圖噉樣啦，噉喺呢個位就好 Kick 嘅。噉好 Kick 就係因為其實，即係…當然我哋有啲嘢好想要，噉對家就一定有啲嘢佢好唔想要啦，噉樣，噉就係喺呢個過程裏頭係膠著。噉最後係做咗一個研究嘅，就係政府研究下究竟係咪真係有人被歧視呢？噉就做咗，做咗就有，噉其實都冇辦法㗎，噉就做咗就有，你要點呀，你要點處理呢而家一件事，噉樣。但係，即係佢都唔係一個唯一嘅方法嚟嘅，我都相信如果社會唔係而家噉嘅狀態，其實呢件事係繼續有佢嘅發展空間嘅。因為即係又係嗰啲，呀立法唔得，噉跟住個妥協位 Call back 去邊呢，就話噉不如政府去 Honor 嗰啲做得好好嘅機構啦，噉樣即係畀張 Certificate，政府去頒獎畀佢做得好好嘅機構啦。
M：呢個就係嗰啲Q嘜鋪頭噉樣。
W：係啦係啦係啦，即係同志友善嘅公司，噉樣啦，噉但係呢個係走咗數嘅。噉因為…但係大家我而家都可能唔係好想追佢數，所以就係有少少不了了之咗呢個部分，但係當時喺會議上面嘅所有人，即係包括反對嗰啲人， 都係同意喺呢度做嘅。即係當時反對即係都係嗰啲啦，係你而家都係好有爭議性呀， 而家立法都係太急，調查出嚟有人有歧視， 係囉係咪要處理，噉佢都會答係嘅都係要處理嘅，不過立法就可能令佢哋即係一下子就係太唔習慣，即係佢哋嗰個套路係噉㗎嘛，即係去到會佢哋嘅套路就係會變咗噉樣啦。噉所以就係去到下一步就係，哦唔立法噉自願啦，好唔好呀，噉佢就冇得話唔好啦，自願噉都好啦。噉但係，即係如果呢樣嘢會做到，即係當然我而家喺已經冇乜負擔同埋都覺得其實都係死路一條嘅情況係可以講，其實佢哋都危險㗎，因為其實社會嘅風氣越嚟越改，呢件事越嚟越普及同埋越嚟越多人討論之後呢，其實一定係對於反同志嘅人係有影響嘅，即係一定係會令到佢哋即係越嚟越衰，即係譬如好多公司出嚟話支持我，噉其實最後一定係推向呢件事，更多人支持嗰個位嘅噉啦。
M：噉佢哋個位就冇咁企得住腳嘞？
W：即係由而家嘅即係好近年嘅一啲嘅民意調查，你係會見到其實對於嗰個無論係性傾向歧視立法，或者係同性婚姻嘅支持度，其實係都係高嘅。即係只不過而家負責要去立法嗰啲人，你而家奈佢唔何，吹佢唔脹咋嘛，噉囉，哈哈！
M：嗯，當我哋成日都以為反同志機構一定係獵巫式，無差別地，總之係唔係…總之見到嘢就係噉啄啄啄啄嘅時候，曾經有一段時間係會見到其實係有過佢哋表達過係可以反對歧視嘅，但係頭先煒煒講嘅嗰個…嗰個拉鋸嘅位置入面係睇得出，就係有啲位佢哋就係點都唔會做，或者點都會有佢哋嘅說法。噉政府又推出一啲 Proposal啦，有冇履行呢件事就另一件事，但係有啲時候見到有呢個噉嘅張力。噉我哋喺呢一個劇集般嘅噉嘅局面 Last 咗三年，最後就不歡而散，你哋就離開咗個會議，噉離開咗個會議就等於個會議就冇㗎嘞，即係即刻噉就 Call off 噉樣嘅？
W：其實因為我哋都係佢臨完我哋個 Term 嘅時候，我哋先 Walk out 嘅。因為佢最後要出佢嘅所謂會議成果，即係會議成果包括啲乜嘢，但係冇我哋最想要嘅嘢，噉我哋唔想我哋 So called endorse 咗即係呢一個結果，所以我哋就喺佢 Announce 嘅之前我哋就做咗個 Walk out，噉但係其實我哋無論係咪 Walk out，其實喺邊個會都會結㗎嘞。噉當然呢個 Platform 唔係唯一我哋可以做嘢嘅地方啦，即係我哋 Walk out 咗之後其實我哋都依然係有好多唔同嘅即係 Platform 可以繼續做嘢啦，噉樣。即係只不過係攞咗當時係心諗喺嗰陣時嘅政治環境、嗰陣時嘅政治判斷底下攞咗嗰一樣嘢，一定係好過冇囉，即使只係一個唔知咩家長計劃都好，即使只係一個社會服務都好，攞咗一定好過冇啦，噉樣，噉我計嘅嗰條數係喺呢度。噉當然即係當年係仲係會覺得仲會有下一次啦，噉但係而家睇返就係，當然覺得屌你老味唔會再有下一次啦，噉啦，哈哈！
M：所以就係變咗做我，我回顧返呢件事，我就只可以喺網上先見到話原來曾經有個噉樣嘅會嘅，跟住就冇咗嘞。
W：係啦係啦係啦。
M：噉講完呢個同政府交手嘅，即係三年嘅前後嘅比賽啦，比賽一般或者係好似打波一般嘅拉鋸噉樣啦。噉我又想帶去另外一類嘅會議呢，就係同呢個平機會，頭先我所講嘅 EOC。噉近排係都知道呢就 EOC 就換咗主席啦，主席就換咗另外一個人嘞，噉而家主席呢嘅態度就係話，我哋而家唔會諗住處理呢個性傾向歧視嘅事情㗎嘞，總之佢就係繼續維持緊佢而家目前可以執法嘅嗰四條歧視條例，就做佢嘅 EOC 嘅職責啦。噉返回去嗰陣時，你哋有機會 Call 到同呢個 EOC 開會啦，你哋又會係點樣嘅一個景況呢？點解會開得成會呢？跟住或者係…嗱我又自己自報咗，自報咗，申報咗先嘅，我係有 At least 出席過一次噉樣啦，噉我嗰陣時就覺得嘩好犀利呀，點解可以同到 EOC 人講嘢嘅呢，噉樣，雖然即係最後係冇啲咩特別嘅成果定點樣，但係有…有出席過啦。噉我又喺度作為一個出席過嘅人呢，我又好想知道呢件事點樣發生，同埋即係由以前到而家其實，頭先我哋所講嘅，從政府我哋嘗試爭取咗一啲嘢，噉我哋同 EOC 有冇噉樣嘅類似嘅互動呢？定其實只不過係閒情逸緻噉樣再約嚟傾下偈噉樣，嗰個意義會去咗邊呢？我哋捉緊嘅嗰個意義去咗邊？
W：係嘞，EOC 係第二套劇集嚟㗎，EOC 嗰套劇集呢都幾有趣嘅，噉樣。其實我哋都係從啲性別團體嗰度學嘅，就知道呢，可以約 EOC 開會喎，噉我哋就又試下啦，噉樣咪約 EOC 開會啦。噉當時應該係佢哋差唔多啱啱換咗個新主席嘅，EOC 其實好得意嘅，其實佢每次換主席都可能會有一啲風格係會有啲改變噉樣嘅，當時換咗個主席就係林煥光啦，應該係都十幾年前㗎嘞已經，噉啦。噉然之後我哋約啦，噉就話約到喎，噉就見啦開會，噉就第一次都係上去介紹下自己呀，派卡片呀，講下啲好官方嘅嘢啦，噉就叫做佢見過我，我見過佢啦，噉樣啦，都同其他團體一齊嘅。噉都開頭都覺得好虛無飄渺嘅，可能都冇咩呀，噉雖然佢坐低講落，佢都唔係話好歧視噉，但係一開始都係講啲傾向啲比較官方嘅嘢嘅。「嗱我哋四條條例呀，噉樣呢四條條例，但係都唔係話同志完全冇份嘅，例如呢可能係咩性騷擾呢，同性性騷擾呢都會包括㗎。」噉就講啲好官方，即係我都知嘅嘢啦。噉但係呢，劇集去到第二集呢，就有啲比較得意嘅事發生。就係我喺一個我經常生活出現嘅地方嗰度呢，搭𨋢就撞到主席，噉主席呢就係，即係佢一入𨋢啦，姑隱其地方噉，即係費事講嗰度係邊度啦，即係譬如嗰個係一個咩嘅情況呀，總之一個…係一個日常生活我經常會去嘅地方，原來碰巧其實主席都經常會去嘅喎。噉佢喺入𨋢見到我呢，就覺得，「咦？你咁熟口面嘅」，噉我又覺得，「咦？你咁熟口面嘅？主席。」噉我打咗招呼啦。噉主席係幾 Surprise，即係嗰個地方都唔係一個輕易…一個一般人去到嘅地方，即係簡單啲嚟講，即係都係一啲特定嘅人先可以進入嘅一啲嘅處所啦。
M：即係唔係一個 Shopping mall 噉樣啦。
W：冇錯嘞冇錯嘞，即係特定人先去到嘅位嘅。噉我覺得佢好驚訝我竟然係同佢係同樣都係會喺呢個嘅地方會出現，原來我係同佢都係有一啲共同嘅嘢，唔係淨係佢主席嘅身份，即係同佢日常生活嘅身份係有關。噉傾下偈啦，即係搭𨋢焗住嘛你都知，即係嗰種好 Classic 嘅 Lift lobby，都係閒話家常嘅，咦今日天氣好熱喎，落雨喎，噉樣啦，就係喺呢個情況底下，我會覺得係令到佢當時係會首先係會記得我先啦，記得呢條友，呢個同志組織呢條友，呢個人佢係會喺呢度出現嘅原來。
M：噉經過呢個意外嘅 Lift pitching 啦，林主席噉之後就……即係成功地拉近咗個距離啦。噉你有冇覺得拉近呢個距離係有助同 EOC 嘅互動呀，定係冇嘅，佢 Say 完個 Hi 之後就當你路人甲嘅呢？
W：我覺得係…雖然呢啲嘢一定係冇話一個，即係白紙黑字呀，即係一定係唔會噉樣寫出嚟嘅，呢啲嘢。即係佢一定唔會話，一定係唔會有啲好explicit嘅講話係因為咁嘅。咁但係嗰個過程嘅感覺，就係佢真係，即係覺得佢係真係識咗我呢個人之後呢，會覺得佢對於 LGBT 嘅友善嘅態度係有增加到。即係佢係，首先佢個人對住我個人嘅時候，即係喺一個閉門嘅會議嘅裏頭，我哋開會…即係約佢開會啦，之後，即係之後約開會就好順利啦，即係基本上約親佢都會肯制嘅噉啦。甚至嗰陣時係約過佢去我哋機構度開會，即係叫佢嚟我哋度開會，你咪嚟睇下我哋個組織啦，係呀佢係會嚟㗎，佢係好好呀，即係佢開始冇咗佢嗰種嘅恐懼，同埋嗰種敵意係減少咗好多，即係佢都覺得我哋唔會融咗佢呀，叫佢嚟我哋個機構度，即係有嗰一種嘅改變呀。噉然之後就係開始𠱁佢做我哋嘅同志遊行彩虹大使呀，當時佢都有好多擔憂，佢都有好坦白同我哋講咗好多佢嘅擔憂，噉所以喺嗰個位度都捽咗，即係調較咗啦噉樣，總之就係佢當時調較嘅位，就係佢做大使，但係佢唔嚟，即係佢個人唔嚟。因為其實話晒都係一個遊行，而佢亦都係第一個去做呢樣嘢，即係一個 So called 都係前官啦，即係叫做去做呢樣嘢，佢都有啲擔憂啦。
M：噉所以就變咗做掛名冇出現嘅一個大使嘅身份。
W：係呀，有拍片㗎但係。
M：好，呢個聽到阿煒煒所講嘅呢個偶遇呢，我覺得偶遇呢件事又唔係…即係要人哋大家模仿嘅，畢竟都係叫偶遇，呢啲嘢都係，唔知呀，如果有人相信命運噉嘅，可能呢啲就係命運啦。即係咁啱嘅，咁啱得咁蹺，你又咁啱喺嗰個地方，佢又咁啱喺呢個地方，同一部𨋢噉樣，令到人哋有一個 Impression 多咗。我自己覺得，聽起嚟就似係做戲噉做嘅，好似嗰種呢，我又特登行去呢個 Building，見住你行入去，噉我又行入去先。總之有一啲嘢係 Timing 上面造就咗呢個機會，噉就承接住呢個機會，去睇下有冇啲咩火花，或者令到件事更加暢順啲去做。
W：我覺得個重點係，我覺得個重點就係同頭先講過嘅心態係一樣嘅，有時去到做呢啲所謂嘅遊說嘅工作嘅時候，就唔係將個 Confrontation 擺出嚟，係去同嗰個人去建立關係，即係偶遇係一個機會，定係有冇其他機會去建立關係。不過當然都好睇個對象係你係咪真係能夠展開個對話啦，即係而家係咪 Applicable 呢，噉大家自己諗啦。
M：返返去一個好現實嘅狀況，就係唔係個個搞運動或者搞性別倡議嘅人都有呢個噉嘅際遇㗎嘛，如果我地而家…你都講到以前發生嘅事都未必完全 Applicable 到而家嘅狀況，我又好想去拉到一個另外一個層面去問。你開咁多嘅會，拉鋸咗咁多，跟住又去咗搞咁多嘅…接觸過好多唔同嘅組織，亦都見證咗啦，即係見證咗由以前1998年到而家，你會唔會曾經有一刻覺得呢啲拉鋸好痛苦、好煩呀，每次都要搞咁多 Preparation 呀，跟住又要 Deal with 呢啲遊說呀、談判嘅部分呢，你會令到你覺得你有一種 Burn out 呢？畢竟其實都係一段長時間嚟㗎嘛，噉偶遇又唔係咁多次會發生㗎嘛，你會唔會曾經遇過一啲好撞牆嘅時間？
W：我 Keep 住撞嘅牆就，攰就 Keep 住嘅，覺得煩就都係 Keep 住嘅噉樣。噉有時咪就係……但因為我自己本身唔係一個好係會受到我嘅情緒好影響我嘅…即係繼唔繼續做落去嗰樣嘢。有時就係去，即係譬如 EOC 噉呀，噉開咗好多會，後來其實都，即係會數到有啲都係叫做咗啲成果出嚟呀，即係譬如佢中間有幾年到佢下一手接呀，跟住又其實變咗標準配備，嗰陣時有段時間就係主席，一定係撐同志啦，逼啲主席出嚟每一個轉換屆，逼佢出嚟撐同志呀，逼佢出嚟講支持 LGBT、反歧視呀，跟住中間又逼下佢哋唔知又做下啲咩研究報告呀噉樣，又做啲…又研究下咩同性婚姻嘅權利有啲咩呀，即係有啲即係中間係有啲小嘅成果去出現嘅。噉有時就係撞牆就梗係有㗎啦，但有時可能就係會去 Focus 下喺一啲嘅小嘅成果上面去話畀自己聽，其實有時好多嘅嘢，好大嘅社會轉變，都係由一啲小嘅成果累積嘅。噉但係其實話呢啲成果到而家係咪已經收晒皮呀，我可以講話係，哈哈哈！任何嘅 Burn out，任何嘅嘢，其實敵不過而家呢一個嘅收晒皮嘅呢個 Situation 嘅，噉囉。噉但係我都冇死到，我估其實個原因就係有時情緒還情緒囉，即係見到手頭上枱面有嘢要做嘅，其實我都依然係會去做，我又唔好會俾佢影響得到。
M：頭先聽完煒煒所講嘅嗰個 Burn out 啦，我覺得縮住一啲細嘅部分去面對返、去回應返自己嗰種可能自我質疑嘅一部分，我覺得好重要嘅。點解一開始…我點解想問呢個關於 Burn out 嘅部分呢，就係我自己參與呢一啲嘅性別嘅組織嘅時候呢，往往都會見到有一啲人可能因為一啲人生嘅階段改變，可能佢本身係讀書嘅變咗做佢係返工啦，面對呢個社會嘅現實、生活嘅現實；或者可能佢本身滿腔熱血，諗住要去 Join 呢個組織希望可以改變到一啲嘢，噉但係可能一路拖咗好耐喎，以年計嘅時間，都見唔到乜嘢轉變，佢就會覺得好質疑自己喺某個地方嘅用處。噉所以經過重重唔同嘅組織，又以前到而家經歷咗咁一段時間嘅煒煒可以分享到呢一啲嘅想法畀我哋，你當心靈雞湯又好或者係一啲勉勵說話都好，我覺得都係一個好現實，聽上嚟好似有啲虛，但其實我覺得係有符合現實嘅一個想法嘅模式嚟嘅。
W：我覺得一直其實我都唔會係睇自己係…即係係咪好重要，係咪即係之前咁多人做嘅嘢其實係都唔掂嘅，所以呢我 Join 咗我就會件事就會即刻好掂。我永遠都覺得之前好多人做或者其他人做嘅嘢，其實一定係每個人都係有，即係佢一定係想做到啲嘢嘅，包括自己，點解我唔係一嚟到做，即係就會即刻聽日就已經有改變，聽日就已經立法，件事唔係噉樣。自己唔係真係咁重要，自己只係 Part of 一個好大嘅一個工作裏面，我只係一個細嘅一個部分，唔會係因為我成為咗…我係主角嘞，跟住我就會令到件事係會因為我而係180度改變，其實永遠都無呢啲嘢噉囉。所以就唔會話見到點解我做咗三年都冇嘢睇，我點解做咗三個月都冇嘢睇，三個月係唔會有嘢睇，呢個係正常。
M：我諗呢個亦都係經驗之談啦。而家呢個世代可能開一個 Account 好似好輕易噉樣，所以就可以將好多 Create 咗嘅一啲嘢掛喺自己身上，我開咗個 Channel，開咗個 Account，好似呢個噉樣嘅事情對於我哋嚟講好似建立咗一啲東西。但係你建立咗啲嘢同埋你協助…協助咗……你建立咗啲乜嘢同埋你協助咗啲乜嘢，都係需要透過其他人嘅互動、同心協力，先可以證明到你自己嘅位置。經驗之談呢啲嘢就唔會嫌少嘅，講起經驗呢，我又想問一個終極嘅問題嘞，坊間或者係即係時不時都會見到有啲組織，不論香港又好或者其他地方都好，有陣時會對於組織嘅策劃，係會有一啲學習營嘅地方，即係會有學習營嘅呢啲活動。我冇 Join 過呢一啲活動，我自己都係處於一種一路做嘢一路學習嘅一個心態，但係我又好好奇對你嚟講，做組織、做行動，有冇得學嘅呢？
W：我覺得係學習係一個好不斷學習嘅過程，哎好廢話我講得。係咪有得學呢，我覺得係要學嘅呢樣嘢，學下…唔係淨係學前輩做嘅，可能我都學下啲而家嘅2000後做嘅嘢，即係會學其他人，一開始或者我每做一樣新嘅嘢，亦都係透過一個模仿嘅過程去做，再去做到自己嗰個 Style 出嚟嘅。但係你話係咪有得讀書去學，係咪有一門嘅功課或者一個課程，可能有證書畀你去參加呢噉樣，其實呢樣嘢都係我一個嘅，係我一個困擾咗我好多年嘅問題。係咪可以透過一個課程去學習點樣做一個 Activist 呢樣嘢，我都思考咗好耐，而我成日覺得呢，有興趣去研究啲 Activist 做啲咩嘅人，其實佢哋係未必會係做 Activist，未必會去做 Activist，未必會去做倡議嘅人，好大程度上都唔係嘅，即係有興趣研究嘅人同佢真係有興趣去做嘅人，其實係兩樣唔同嘅人。即係中間可能係一個，我唔知，可能係一個學師嘅過程，即係可能佢比較似做電工，多過似做會計師，雖然都係要讀嘅，噉但係呢，可能你做電工呢，就係你要落手做咗先係重要啲；噉可能但係你做會計師呢，可能你就係讀咗啲書會重要啲。
M：呢個比喻就應該可以寄予畀我哋依家仲係…即係仲可能有啲困惑或者唔知自己仲有啲…即係自己準備好未要去投身呢一個組織或者參與組織活動嘅人。呢個都係累積經驗，同人生好多唔同嘅階段都係類似，即係冇一樣嘢就話，噉為咗要成功呢，我就要去讀三本書，噉我讀完三本書我就可以成功嘞。即係 Activist 或者係搞活動嘅人，或者搞行動嘅人呢，往往都係按住當時候嘅氣候啦，當時嘅嗰個氣氛，社會氣氛去諗你點樣可以表達到你嘅信息。噉頭先煒煒講咗好多嘅事情啦，噉當時佢哋嗰個決策，佢哋嗰個嘅策略到而家都未必完全適用得到㗎嘞。時代呢個轉變我哋係冇辦法抵擋嘅，噉但係我哋可以轉變，同埋我哋可以學習嘅部分就係睇下周遭嘅人，而且係你身邊嘅，例如科技又好，資訊都好，你點樣傳遞，同點樣流傳你先可以繼續喺呢個浪裏面漂流而不至於沉沒噉樣，越講越文鄒鄒所以唔講嘞，就係嘞。噉係呢個節目嘅最尾呢，我哋都會有一個經典型嘅收結嘅。《點止港同志》係一個以香港同志角度出發嘅 Podcast，希望可以將大家生活裏面嘅同志同性別嘅議題，用廣東話嘅聲音同文字嘅方式保留同流傳嘅。噉上我哋嘅 Podcast 嘅專頁 pridelab.hk/podcast，或者係上我哋嘅 Instagram @Pridelabhk 嘅 Bio 嘅裏面就會見到㗎嘞。噉多謝你收聽呢一個上下集嘅節目啦，亦都聽到嚟呢度最後，如果你想聽更加多呢一類嘅節目，除咗訂閱我哋之外呢，歡迎你喺 Description 下面嘅嗰條 Link 去留言嘅，或者你喺你嘅 Apple Podcast，或者係 YouTube 裏面畀你嘅 Feedback。噉今集就講到呢度啦，感謝煒煒同我講咗上下呢兩集，期待下次同你《點止港同志》，煒煒同大家講拜拜。
W：拜拜，多謝馬天娜，拜拜。
M：拜拜。