【LGBTQ+ 旗樂無窮】PrideLab首個卡牌遊戲介紹
以影片為介紹PrideLab自家設計的第一款桌遊 – 【LGBTQ+ 旗樂無窮】 。遊戲有兩組卡牌 – 旗幟配對卡 及 心聲卡。我們選了16支代表不同性別認同或性傾向旗幟來設計。
錄像影片
美力彩虹 – 不分性別的健美賽事
美力彩虹是一個不分性別的健美健體比賽，不同性別的人都可以同場比拼。主辦方一直強調，美力彩虹不單是比賽，更是打造環境友善舞台——每個人都可以踏上嘅舞台。 PrideLab實現員Daily (日日教練)，也有報名，特意從香港到台灣參賽！碰巧PrideLab進行台灣團隊凝聚活動，一行實現員結伴到場為他打氣，一起在現場感受樂也融融的氣氛。
【做個好盟友 – 性/別小眾友善影片製作計劃】
盟友(Ally)，意思是支持LGBT+權益的非LGBT+社群人士。 性小眾在社會上畢竟是少數，要讓社會尊重不同人士，達至和諧共融，推動公眾認識及接納不同性傾向及性別認同人士是非常重要的教育工作。 【做個好盟友 – 性/別小眾友善影片製作計劃】希望藉由拍攝訪談故事，帶出性小眾與盟友之間縴絆；讓公眾可以認識在家庭、朋友、工作伙伴三種最常見人際關係中性小眾盟友的真實經歷，是怎樣令性小眾社群感受到被接納和支持；而這份支持和陪伴對於性小眾人士建立自信，正面應對人生困境有極具重要的意義。 一句說話、一個陪伴，已經係Ally嘅開始🏳️🌈
無性戀者現身
認識無性戀光譜 | 常見3種無性戀 – 無性戀、灰色無性戀、半無性戀 我哋PrideLab嘅大總管Linus係一位無性戀者究竟咩係無性戀？ 係冇性慾定係性冷感？無性戀都有光譜即係點？ 媽，好亂呀！ 可能係香港第一個出正面樣拍片嘅無性戀者，一齊去聽下啦！
認識更多性傾向
上次講咗【雙性戀】，咁如果超過「兩個」仲係咪雙呢？計埋跨性別，性別一定唔止得兩個喎🏳️🌈🏳️⚧️ 原來仲有咁多性傾向，今集簡單講解５個性傾向嘅意思😆 有啲新到連廣泛嘅中文翻譯都未有！😂
【5分鐘學習資源】醫護人員與跨性別病人交流技巧 | 真人真事實例
跨性別人士係泛指【性別認同與出生被指定性別唔一樣】嘅人，佢哋都同樣生活喺香港，自然都會有生老病死嘅情況，一樣都會有機會使用公私營不同嘅醫療服務。當病人係跨性別人士，有咩值得我哋注意嘅地方呢？就用5分鐘時間聽多啲知多啲📖影片裡面嘅案例都係真人真事嚟㗎💡
性/別小眾友善服務貼士 Do & Don’t
花8分鐘認識LGBT+嘅特質以及3個應注意嘅DOs & DON’Ts 特別多謝 非實力派嘅JonJon同包包為大家講解 現時香港並冇妥善的性/別小眾權益嘅保障制度，社會上亦充斥著對LGBT+嘅負面標籤。 咩污糟錢，你都應該聽過喇🙄 不少朋友仔因為唔確定出櫃後會點，喺使用服務時經常就會隱藏自己身份。根據PrideLab與其他同志組織收到嘅個案，唔少性/別小眾使用服務都受到不友善或認知不足情況。 PrideLab一直有與不同服務提供持分者定期開會交流，亦多次受邀請向不同機構分享有關怎樣創造LGBT+多元共融環境；佢哋聽完都表示性/別小眾親身分享經歷同埋感受，對於理解同志社群十分具參考作用。 我們明白前線人員工作繁重，能安排接受培訓人數和時數有限，希望透過製作性/別小眾友善服務培訓影片，結合個案以實際情景作例子，增強具性別角度的培訓電子內容。
Dare to Be Different 認識香港多元跨性別 | 非二元跨性別
#跨性別 #非二元跨性別 #無性別 | 粵語 | 中文字幕 | 20分鐘片長 近年因為媒體輿論以及影視文化影響，香港公眾人士對同志社群認識加深，對於LGBT有初步了解；然而一些更邊緣、更小眾、或擁有多重身份同志礙於性/別身份複雜，喺主流媒體，甚至同志組織或活動中仍然隱形，包括非二元性別認同跨性別族群。 好感激5位不同性/別身份嘅朋友，喺今次訪問影片分享自己嘅故事，讓我哋了解真正【敢於不同】嘅經歷。跨性別唔等於一定係變性、一定係做手術，性/別亦唔止係得男同女兩個選擇。
🏳️🌈同志小百科大問答⭕️❌
YouTube有唔少Channel都會拍問答遊戲節目，我哋都想拍一次，大家邊玩邊學習，一齊識多啲香港同志歷史+文化！ 喺度考考你 1️⃣請由上而下講出【性別流動 Genderfluid】旗嘅顏色。 2️⃣《叔·叔》獲得第39屆香港電影金像獎邊兩項獎項？ 3️⃣香港首個同志遊行係於幾多年舉行？ 仲想繼續答多幾題？ 睇片喇，有成粒鐘問答遊戲比你玩 😀
人物專訪：Venus
豁出去學Waacking改變人生 我好開心喺呢個圈子出櫃先 臨畢業決定豁出去 , Venus當初都無諗過學Waacking會改變自己咁多。Venus形容人生有兩組唔同選擇：曾經佢諗過想活得「正正常常」、唔再跳舞、唔再諗；但佢決定跳出comfort zone ，遇到兩位好老師比好多鼓勵佢！ 喺Waacking裡面得到嘅信心令佢從內到外更接受自己
【彩虹微劇場】- 《情愫》
PrideLab 第一次拍全戲劇故事，一個關於校園暗戀嘅故事。 你有無試過暗戀嘅苦澀味呀？ 「是無力或有心，像謎像戲；誰又會似我演得更好……」 靈感主題音樂係來自張國榮 哥哥嘅《有心人》，亦係電影《金枝玉葉2》嘅主題曲 一套1996年嘅電影，唔知各位睇過未呢？ Netflix依家有呀! 《金枝玉葉》系列是關於喜歡一個人，性別的錯摸根本不太重要 「是無力但有心，暗來明往；誰說這算是情愫？」 劇情簡介：情竇初開的青澀歲月，相信大家都經歷過，尤其暗戀一個人的躊躇，未能開口的原因數之不盡，但你知道「不能坦白」的感覺嗎? 班上學霸女神Michelle身邊一直不乏追求者，偏偏她對身邊好友Jenny的心意毫不知情，更與班上男生Derek愈走愈近……
《同志運動是鐵人賽也是接力賽》- 香港同志文化歷史紀錄片
廿年過去，同志平權運動中，我們看到一張張熟悉臉孔，他們是累極卻還在堅持的鐵人。還有一代又一代新鮮人在起跑線上衝出來，希望趕上去替這場持久賽接力。 眼看世界各地的人都比我們領先，我們內心焦急，甚至開始害怕花光氣力去追，還是追不到結果。我們期望過、失望過，在快要絕望時，別忘記那天在起跑線上的自己，為了甚麼而昂然闊步。 專訪各個同志組織及同志大型公眾活動組織者，是甚麼信念讓他們起動？而這二十年，我們又改變了甚麼？ – 受訪者名單 (按出場序) 陳諾爾 (Tommy仔)香港彩虹及彩虹行動創會幹事中大同志文化研究小組及Joint University Queer Union 創立成員 陳文慧 (Connie)香港女同苑及香港女同盟盟會創會會長香港同志遊行2008-2012大會發言人及總指揮 賴婉琪博士 (Franco)中大同志文化小組首屆會長學人。性。聯盟成員 許瑋楓 (Terry)HK CD Family 資深活躍會員 梁詠恩 (Joanne)跨性別資源中心主席前粉紅同盟主席 李曉南 (Joe)女角平權協作組主席 尹浩威 (威威)大專同志行動 Action Q 第三屆主席 […]
【妳都唔愛我】女同志伴侶間嘅戀愛暴力
女同志嘅世界裏，又怎會沒有伴侶家暴呢？ 家暴嘅定義往往不止是單純身體暴力！ 被親密伴侶限制行動、監視社交、惡意批評等等呢啲精神暴力都係家暴。 好多時候一句「妳係咪唔愛我呀？」，將操控講成因愛而行，伴侶兩人都無自覺身處喺家庭暴力裡面。 唔好輕視家暴！ 如情況危急，請即向警方求助 緊急/24小時求助致電：999
【跨仔TB大不同】一連三集讓大家了解更多跨仔和TB的分別
【跨仔TB大不同】一連三集，讓大家了解更多跨仔和TB的分別。 請善用YouTube字幕功能，記得按 CC 就可以揀中文字幕。 第二集：跨仔xTB傾多啲 第三集：Ta們都愛做運動 – 睇多啲Edkon嘅影片：DoubleChinsTV 即刻搵Daily教練開始健身訓練：日日教練 – 詞彙解說： 跨性別 (Transgender) 泛指任何認為出生時被定的性別無法完全表達自己性別認同的人。這個概括性術語涵蓋了不同種類的跨性別人士。 跨仔 (Transman, FtM) 指出生時被指定為女性,而自我認同為男性的跨性別者。 Tomboy (TB) 指作男性化裝扮、言行舉止的女性;即日常所講的「男仔頭」。社會一般當作她們為女同性戀中的「男方」。Tomboy其實是一個形容性別氣質的詞彙,與女同性戀(性傾向)或跨仔(跨性別)無直接關係。
六分鐘解構：男女同志Label大不同
【男女同志Label大不同】 由女同志嘅Cuby同熟男同志嘅天風解構同志嘅Label。 我們希望呢條片令到男女同志之間都會認識同了解彼此圈子。 大家都是同志族群，接下來，希望可以有更多機會連結更多LGBT 不同範疇朋友傾計，互相認識，加深了解。
女同志聽過最難聽嘅說話
行走江湖少不免都遇上幾個人渣仆街… 係一個女同志社交App發現 Hot Topic “聽過最難聽嘅說話”，得到熱烈地討論。聽過呢d咁難頂嘅句子，你有無試過火都嚟埋 ?? 唔駛動氣嘅…. 冷靜又理性地幾句回彈，應付賤人唔需要用劍嘅！ 主講人 Cuby 精心分享四類常見渣話兼回應。大家又留言講吓你地聽過d咩?同當時又點回應對方呀? 鳴謝場地 : 香港彩虹中心 PrideLab 2016製作