LGBT+ ALLY

我哋邀請咗香港本地插畫師 @LittleSmileyFace 合作,創作咗兩幅作品,並印製成心意卡。 “Support You”原意係特別設計畀Ally?️‍?喺香港好多同志仍然收埋自己,覺得香港大部份人都係保守,所以我哋發覺其實ALLY要先出櫃!作為Ally,話俾性小眾知佢哋撐同志,等佢哋有一個安全環境可以放心做自己。 之於另一張”Thank You”卡當初嘅想法係想鼓勵大家如果見到同志友善嘅商舖或者服務,不妨可以多讚揚!講求優質服務嘅今日,讚賞同投訴一樣,公司都會記錄在案。唔想香港只有Rainbow Washing,到底咩係好服務,我哋都有SAY! 

女同志與婦科

周不時都收到有女同志問邊度有好嘅婦科醫生介紹?所謂「好」 唔止講緊醫術嘅好? 睇婦科離唔開一個問題?「你有冇性經驗?」 而呢個問題原來係收埋咗好多字冇講??「你有冇(同一個順性別男性以陰莖進入陰道嘅方式發生)性(行為嘅)經驗?」 背後有好多異性戀主導(heteronormativity)預設,預設性傾向係異性戀以及性行為嘅模式只有以陰莖進入陰道進行,更重要係預設「處女膜」係好重要,唔可以冒任何險??‍♂️????‍♀️ 就好似喺任何非異性戀性行為下,「處女膜」都依然會係完整無缺。而「處女膜」係重要到,醫生都唔可以冒任何風險破壞佢嘅完整!我哋聽過唔止一次有女同志同醫生表達過自己都有插入式嘅性經驗,並且同意使用放入陰道藥物或想做入侵性陰道檢查(例如子宮抹片)但仍然被拒絕❌ 因為當你答「有性經驗,不過唔係同男人」就好似你答咗「冇」咁,醫生寧願唔做置入檢查、唔安排置入藥物,都唔想有嘗試破壞到「處女膜」嘅舉動。所以返去第一句點解時不時就收到女同志問婦科好介紹?

跨性別並沒有想像中咁少

為響應2021年3月31日跨性別現身日,我哋喺社交媒體發佈文章《跨性別並沒有想像中咁少》。同時邀請插畫師Jovis為文章創作插畫。 創作過程我哋互相交流,細心設計不同細節。最後決定運用俄羅斯套娃作元素。表達每一個人可以自主擁有「性別表達」和「性別認同」,「出生被指引嘅性別身份」則用嬰兒裝表達。

Walk With Pride 太空人

因為隔著太空人頭盔看不到樣貌與性別,他可以是任何人。 喻意誰都有能探險勇氣的精神。 這設計圖案是響應今年Pride Lab首次加入成為香港同志遊行籌委會成員。 設計延續本地街頭藝術組合Pride in Rainbow* 在2013年與攣直後援會時創作的太空人系列。 「直人一小步,攣人一大步」,希望延續呼喚不同性傾向人士都走出來為同志平權。 Walk With Pride 是香港同志遊行2017的其中一句英文主題。 太空人頭盔反映圖案是香港同志遊行最為人熟悉的畫面 – 巨型彩虹旗沿馬路遊行畫面。 我們把圖案製作成首件紀念Tee發售,並找來不同性別及性傾向朋友示範效果。   香港同志遊行2017同樣採用相同圖案作大會紀念Tee作義賣籌款。 *Pride in Rainbow目前是Pride Lab這個組織的一個創作小組。