【做個好盟友 –   性/別小眾友善影片製作計劃】

盟友(Ally),意思是支持LGBT+權益的非LGBT+社群人士。 性小眾在社會上畢竟是少數,要讓社會尊重不同人士,達至和諧共融,推動公眾認識及接納不同性傾向及性別認同人士是非常重要的教育工作。 【做個好盟友 –   性/別小眾友善影片製作計劃】希望藉由拍攝訪談故事,帶出性小眾與盟友之間縴絆;讓公眾可以認識在家庭、朋友、工作伙伴三種最常見人際關係中性小眾盟友的真實經歷,是怎樣令性小眾社群感受到被接納和支持;而這份支持和陪伴對於性小眾人士建立自信,正面應對人生困境有極具重要的意義。 一句說話、一個陪伴,已經係Ally嘅開始🏳️‍🌈

認識雙性戀旗幟💖💜💙

由1999年開始,每年9月23號都係”Bi Day”希望透過活動可以畀更多人知道雙性戀存在 其實不同地方嘅統計都顯視雙性戀社群係佔LGBT+最大🔥但點解往往由影視文化以至同志遊行都好少見到咁?🤔 雙性戀旗嘅其中一個重大作用就係希望喺Pride Parade嘅時候,令周圍嘅人都看得見👀👀算係其中一支比較早出現嘅特定社群旗幟,啟蒙咗唔同族群都發展設計屬於自己嘅旗幟🚩

認識彩虹旗🌈

彩虹旗代表LGBTQIA+嘅社群,係一個世界通用嘅符號,連Emoji都有🏳️‍🌈 呢面旗1978年喺美國誕生,今年已經44歲喇!其實佢呢四十年嚟都好似pokemon咁進化咗幾次,由唔同嘅朋友加入更多元素,令呢面旗能夠更象徵性別小眾嘅多織性👩🏻‍❤️‍👩🏻🧑🏻‍❤️‍🧑🏻👨🏻‍❤️‍👨🏻

認識無性戀旗

無性戀(光譜),簡單地說是一種性傾向,描述感受不到他人發出性吸引的人。無性戀者雖然感受不到性吸引,但可以愛上他人。 無性戀旗在2010年經「Asexual Visibility and Education Network」AVEN社群網站投票選出。 社群希望設計一面代表無性戀者的旗幟,於是用戶在網站中拋出不同設計方案和討論設計。經過多次投票之後,以四色橫條紋簡單設計獲最多人支持。 外國無性戀社群同時常用撲克牌中”ACE”圖案代表社群的符號象徵,因為Ace讀音同Asexual相近。 雖然無性戀社群的文化在目前社會中曝光率不高,但確實是有這些社群存在著的。

無性戀者現身

Featured Video Play Icon

認識無性戀光譜 | 常見3種無性戀 – 無性戀、灰色無性戀、半無性戀 我哋PrideLab嘅大總管Linus係一位無性戀者究竟咩係無性戀? 係冇性慾定係性冷感?無性戀都有光譜即係點? 媽,好亂呀! 可能係香港第一個出正面樣拍片嘅無性戀者,一齊去聽下啦!

認識跨性別旗

認識跨性別旗嘅意思🏳️‍⚧️ 跨性別旗,由跨性別女性Monica Helms設計,2000年在美國鳳凰城的驕傲遊行上首次展示。 這旗幟代表了整個跨性別人群,泛指任何認為出生時被定的性別無法完全表達自己性別認同的人,這個概括性術語涵蓋了不同種類的跨性別人士。 這旗子特別的地方是無論怎麼懸掛,圖案順序都不會亂,象徵我們定義自己是不會有出錯。

性小眾真人圖書館:邊個話 Trans 就一定係變性人?(香港獨立媒體 2021-12-22)

【獨媒特約報導】「我唔係 Gay,我真係 Trans。」一襲嫵媚的黑,將男性性徵包裹得有如不復存在 ── 啡黑長髮、黑披風、黑窄牛、啡黑短靴,纖瘦的天風卻是拒絕清晰地歸邊男女黑白。性別認同為跨性別的他,以性小眾「圖書」的角色出席 PrideLab 真人圖書館,向一眾讀者介紹並非所有 Trans 都必經「變性」,例如自己就不抗拒自己的男兒身,亦「有小小認同自己係男仔嗰邊」,兼有健康風險而不考慮接受性別重置手術。無視黑白分明的定義與界限,零散四周的每道深淺迥異的灰,同樣斑斕迷人。 適逢11月20日為跨性別紀念日,LGBT+ 性小眾友善組織 PrideLab 舉辦真人圖書館閱讀活動,邀請了五位比起同志更為邊緣化的性小眾 ── 性別認同為跨性別的天風、非二元跨性別的 Vincy 及陳驚、性別認同為女的曾晴,以及無性別的文仔 ── 與讀者直接交流,並接受讀者自由發問,讓更多人讀到性小眾的故事與日常。

【5分鐘學習資源】醫護人員與跨性別病人交流技巧 | 真人真事實例

Featured Video Play Icon

跨性別人士係泛指【性別認同與出生被指定性別唔一樣】嘅人,佢哋都同樣生活喺香港,自然都會有生老病死嘅情況,一樣都會有機會使用公私營不同嘅醫療服務。當病人係跨性別人士,有咩值得我哋注意嘅地方呢?就用5分鐘時間聽多啲知多啲📖影片裡面嘅案例都係真人真事嚟㗎💡 無論你係醫護界現職工作抑或學生階段,都希望呢段影片會令你更加明白同跨性別病人嘅交流技巧💖讓醫療環境更加友善共融🏳️‍🌈🏳️‍⚧️多謝各位醫護人員付出同埋貢獻🙏🏻 平等機會(性傾向)資助計劃 (2021-22年度) 此影片內容,並不代表香港特別行政區政府的立場

《Dare to Be Different》 – 真人圖書館活動

適逢11月20號係跨性別紀念日,我哋希望藉由真人圖書館閱讀活動,提供一個沒有壓力嘅場域,讓邊緣性/別小眾彼此坦誠交流,也讓不同社會文化背景嘅人有機會互相認識。活動約2.5小時,當中有兩節分組時間,讓參加者與兩本不同真人圖書交流,閱讀佢哋嘅生命故事。每節分組時間約 45 分鐘。 鳴謝場地:Eaton Workshop – Kino

性/別小眾友善服務貼士 Do & Don’t

Featured Video Play Icon

花8分鐘認識LGBT+嘅特質以及3個應注意嘅DOs & DON’Ts 特別多謝 非實力派嘅JonJon同包包為大家講解 現時香港並冇妥善的性/別小眾權益嘅保障制度,社會上亦充斥著對LGBT+嘅負面標籤。 咩污糟錢,你都應該聽過喇🙄 不少朋友仔因為唔確定出櫃後會點,喺使用服務時經常就會隱藏自己身份 根據PrideLab與其他同志組織收到嘅個案,唔少性/別小眾使用服務都受到不友善或認知不足情況。 PrideLab一直有與不同服務提供持分者定期開會交流,亦多次受邀請向不同機構分享有關怎樣創造LGBT+多元共融環境;佢哋聽完都表示性/別小眾親身分享經歷同埋感受,對於理解同志社群十分具參考作用。 我們明白前線人員工作繁重,能安排接受培訓人數和時數有限,希望透過製作性/別小眾友善服務培訓影片,結合個案以實際情景作例子,增強具性別角度的培訓電子內容。 藉此鼓勵各行各業朋友都可以有更高流動性接收更多關於性/別小眾的資訊,促進與性/別小眾更有效嘅溝通,提供更適切嘅前線服務;讓社會締造更友善嘅環境,從而提高性/別小眾對服務使用嘅信心。 #同志友善 #服務技巧 #以客為本 #支持性小眾 /// 平等機會(性傾向)資助計劃資助 (2021至22年度) 此內容並不代表香港特別行政區政府的立場

Dare to Be Different 認識香港多元跨性別 | 非二元跨性別

Featured Video Play Icon

#跨性別 #非二元跨性別 #無性別 | 粵語 | 中文字幕 | 20分鐘片長 近年因為媒體輿論以及影視文化影響,香港公眾人士對同志社群認識加深,對於LGBT有初步了解;然而一些更邊緣、更小眾、或擁有多重身份同志礙於性/別身份複雜,喺主流媒體,甚至同志組織或活動中仍然隱形,包括非二元性別認同跨性別族群。 好感激5位不同性/別身份嘅朋友,喺今次訪問影片分享自己嘅故事,讓我哋了解真正【敢於不同】嘅經歷。跨性別唔等於一定係變性、一定係做手術,性/別亦唔止係得男同女兩個選擇。 我哋相信性別係一道光譜,而唔係二元對立。當每一個人能夠從性別定型中走出來,我們才能夠更自由成為更真實且完整嘅自我。 性/別平等唔係零和遊戲,而係雙贏局面。 // 平等機會(性傾向)資助計劃資助 (2021至22年度) 此內容並不代表香港特別行政區政府的立場

LGBT+ ALLY

我哋邀請咗香港本地插畫師 @LittleSmileyFace 合作,創作咗兩幅作品,並印製成心意卡。 “Support You”原意係特別設計畀Ally?️‍?喺香港好多同志仍然收埋自己,覺得香港大部份人都係保守,所以我哋發覺其實ALLY要先出櫃!作為Ally,話俾性小眾知佢哋撐同志,等佢哋有一個安全環境可以放心做自己。 之於另一張”Thank You”卡當初嘅想法係想鼓勵大家如果見到同志友善嘅商舖或者服務,不妨可以多讚揚!講求優質服務嘅今日,讚賞同投訴一樣,公司都會記錄在案。唔想香港只有Rainbow Washing,到底咩係好服務,我哋都有SAY! 

《點止港同志》

由PrideLab實現員馬天娜發起,與其他義務團隊成員包辦製作廣東話Podcast,2021年8月開始啟播。節目名稱《點止港同志》,寓意從香港同志角度出發,帶領聽眾多啲認識性/別,連結LGBTQ+,一齊發掘更多性/別嘅故事同甜酸苦辣。 收聽方法可點擊以下連結: Apple Podcast Google Podcast Spotify KKBox

🏳️‍🌈同志小百科大問答⭕️❌

Featured Video Play Icon

YouTube有唔少Channel都會拍問答遊戲節目,我哋都想拍一次,大家邊玩邊學習,一齊識多啲香港同志歷史+文化! 喺度考考你 1️⃣請由上而下講出【性別流動 Genderfluid】旗嘅顏色。 2️⃣《叔·叔》獲得第39屆香港電影金像獎邊兩項獎項? 3️⃣香港首個同志遊行係於幾多年舉行? 仲想繼續答多幾題? 睇片喇,有成粒鐘問答遊戲比你玩 😀

女同志與婦科

周不時都收到有女同志問邊度有好嘅婦科醫生介紹?所謂「好」 唔止講緊醫術嘅好? 睇婦科離唔開一個問題?「你有冇性經驗?」 而呢個問題原來係收埋咗好多字冇講??「你有冇(同一個順性別男性以陰莖進入陰道嘅方式發生)性(行為嘅)經驗?」 背後有好多異性戀主導(heteronormativity)預設,預設性傾向係異性戀以及性行為嘅模式只有以陰莖進入陰道進行,更重要係預設「處女膜」係好重要,唔可以冒任何險??‍♂️????‍♀️ 就好似喺任何非異性戀性行為下,「處女膜」都依然會係完整無缺。而「處女膜」係重要到,醫生都唔可以冒任何風險破壞佢嘅完整!我哋聽過唔止一次有女同志同醫生表達過自己都有插入式嘅性經驗,並且同意使用放入陰道藥物或想做入侵性陰道檢查(例如子宮抹片)但仍然被拒絕❌ 因為當你答「有性經驗,不過唔係同男人」就好似你答咗「冇」咁,醫生寧願唔做置入檢查、唔安排置入藥物,都唔想有嘗試破壞到「處女膜」嘅舉動。所以返去第一句點解時不時就收到女同志問婦科好介紹?

跨性別並沒有想像中咁少

為響應2021年3月31日跨性別現身日,我哋喺社交媒體發佈文章《跨性別並沒有想像中咁少》。同時邀請插畫師Jovis為文章創作插畫。 創作過程我哋互相交流,細心設計不同細節。最後決定運用俄羅斯套娃作元素。表達每一個人可以自主擁有「性別表達」和「性別認同」,「出生被指引嘅性別身份」則用嬰兒裝表達。

人物專訪:Venus

Featured Video Play Icon

豁出去學Waacking改變人生 我好開心喺呢個圈子出櫃先 臨畢業決定豁出去 , Venus當初都無諗過學Waacking會改變自己咁多。Venus形容人生有兩組唔同選擇:曾經佢諗過想活得「正正常常」、唔再跳舞、唔再諗;但佢決定跳出comfort zone ,遇到兩位好老師比好多鼓勵佢! 喺Waacking裡面得到嘅信心令佢從內到外更接受自己

認識無浪漫傾向 Aromanticism

Aromantic簡稱Aro,中文有翻譯成「無浪漫」或者「無戀愛」。有啲人會喜歡陽剛氣質性,有啲人會喜歡陰柔氣質;當有啲人會 why not both,自不然就有人會 “Why NOT” 。 記得尊重每一位性小眾,因為被人否定都係難受嘅。外國嘅Aro族群為咗令更多人認識佢哋,於是2014年開始,每年舉辦Aromantic Spectrum Awareness Week。

灣仔區會通過表格性別欄加入「其他」選項 跨性別人士:感到接納和支持 (香港獨立媒體 2020-12-30)

(獨媒報導)灣仔區議會昨日(12月29日)舉行撥款及常務委員會,會上通過灣仔區議會發出的表格,在性別一欄除「男/女」選項外,加入「其他」選項。有跨性別人士及性別流動者在會上分享,性別一欄只有二元選項,容易引致尷尬及歧視情況,如加設「其他」選項,將能感受社會的接納和支持,可以最真實的方式表明自己的性別。 報導連結

【#與你共融】十年未敢出櫃的性小眾:「環境令我唔鍾意表達自己」(StartChing 2020-12-19)

Featured Video Play Icon

StartChing【#與你共融】 沒有譁眾取寵的標題、沒有驚天地泣鬼神的訪問內容,一段平凡的女同志故事,或許更能訴說到大多性小眾在生活中所面對的困境與壓力。 這次是阿Wah首次面對鏡頭,公開分享自己的故事。出櫃與否是個人選擇,但至少作為家人、朋友或是社會上的一分子,大家可以給予性小眾一個友善的環境,讓他們在「不那麼勇敢」的情況下,也能舒服地表達自己性小眾的身份。

尋找身份35年 家人當撞邪 出櫃明志 被送中驅魔 (蘋果日報 果籽 2020-11-13)

三十七歲,一般人認定為「中女」的年紀,恩恩才開始學習如何買衣服、買飾物、束起頭髮、化妝、打扮……跟一般女生不太一樣,自出娘胎時,恩恩是男生,女性人生在去年剛剛開始。 「我很不喜歡以前的自己,我做出來的,是其他人認同的男生,不是我自己想做的自己。經過了三十多年自我探索,我開始作出了很大的改變。」

【彩虹微劇場】- 《情愫》

Featured Video Play Icon

PrideLab 第一次拍全戲劇故事,一個關於校園暗戀嘅故事。 你有無試過暗戀嘅苦澀味呀? 「是無力或有心,像謎像戲;誰又會似我演得更好……」 靈感主題音樂係來自張國榮 哥哥嘅《有心人》,亦係電影《金枝玉葉2》嘅主題曲 一套1996年嘅電影,唔知各位睇過未呢? Netflix依家有呀! 《金枝玉葉》系列是關於喜歡一個人,性別的錯摸根本不太重要 「是無力但有心,暗來明往;誰說這算是情愫?」 劇情簡介:情竇初開的青澀歲月,相信大家都經歷過,尤其暗戀一個人的躊躇,未能開口的原因數之不盡,但你知道「不能坦白」的感覺嗎? 班上學霸女神Michelle身邊一直不乏追求者,偏偏她對身邊好友Jenny的心意毫不知情,更與班上男生Derek愈走愈近……

《廢青與婦女》- Wah

「廢青」就是不務正業、一事無成的青年人。 一七年尾剛剛畢業,我二十三歲,正是那個無所事事的年紀,「婦女」這兩字起初對我有點抽象,好像有點遠。一開始知道要教一班婦女拍片、剪片,我有些抗拒。自幼就不太懂得如何與長輩相處,更可況要教他們。

跨性別現身日 – Free Hug 抱抱活動

3月31日係國際跨性別現身日,我哋梗係應下節現下身,去咗中環碼頭舉搞咗次Free Hug抱抱。 好開心香港男演員、節目主持及歌手 – 馬浚偉(馬仔)都嚟咗現場支持!馬仔之前喺自己監製節目《同理繼續走》 嘅節目採訪過跨性別社群,佢一聽到呢件事就話會嚟支持。當日馬仔分享咗佢作為基督徒對LGBT+ 嘅睇法 – 同樣係人都應該平等受到尊重,互助互愛,都係弟兄姐妹!

「連結性/別」學習平台計劃

「連結性/別」學習平台計劃為期2年,是Her Fund婦女動力基金撥款資助兩年的試驗計劃。 「連結性/別」學習平台計劃,期望以技能交換模式,通過互為充權(付出)-被充權者(接受)的角色,製造溝通渠道,衝破各組織之間的固有同溫層,提供從組織到個人層面的協作與對話機會,讓參加者了解基層邊緣婦女及同志所面對的歧視、性/別身份、處境以及看法,認識不同的人、認識不同組織之間各自關注的議題,繼而建立溝通關係,促進共融。PrideLab針對合作團體組織需要及種種限制處境度身設計教程,切合實際需要;而且活動同時提供機會讓不同性/別關注組織建立網絡,互相連結、認識了解,相信對推動整個香港性/別運動能有正面作用。

可發揮嘅點好闊 – 藍編

「點解你會想做義工嘅?」 其實未join PrideLab之前,我都低調地活躍於不同男同志組織入面。有做參與者,都有做搞手帶活動。自知自己志不在站在同運最前線的那種,所以好想透過自己搞嘅活動,一步步令參加者對LGBT+有更深入的認識,從而教育佢地。 其實真係要多謝網絡嘅存在,我先知有PrideLab呢個page,有呢班人做緊同運嘅事。由於個排自己好想參與有關同志組織嘅義工活動,又碰巧俾我見到有呢個page,又碰巧個時佢哋招緊義工,然後我就inbox佢地,然後,我的第一次就係觀塘無咗。。。

由一小步做起 – 皇上

「點解你會想做義工嘅?」 「好坦白答你,我係因為單身,想識多啲人,聽人講做義工係容易啲識到好多唔同人」 以上係怪叔叔當初問朕點解加入PrideLab嘅對話,朕當時的確係因為想識人,又覺得反正佢哋都招打字幕之嘛,又唔重workload,就決定申請做義工。

PrideLab:以藝術營造性小眾友善社會 (香港獨立媒體 2018-12-16)

對於性小眾,包括同性戀、雙性戀、跨性別人士等,主流社會多以獵奇「這些怪物究竟長什­麼樣子」的態度;也有以傳統價值為正確的人­認為他們「有病」、「誤入歧途」,甚至敗壞­道德。只以多數人的視角看待與自己不一樣的人,獵奇好,污名也罷,究竟對於人與人之間­的彼此尊重與共融有何益處呢?PrideLab 的創辦人相信增進主流社會對性小眾的理解,是推動共融的重要一步。他們致力以創作藝術推動性別平等。以幽默的方式講解性別議題。期望藉此推動社會能尊重不同的人。組織幹事當中,有性小眾,也有關心性小眾的主流人事。成立五年以來,已經製作了超過90部影片。內容相當豐富,包括香港同運歷史、同圈生活小知識、開啟戀愛關係、伴侶相處等。­推展PrideLab 的工作,也讓幹事與義工的個人成長得益非淺。筆者與其中一名幹事­Linus,以及義工阿曉作了一次訪談,期望更多人了解這個組織,以及當中有血有肉的生命故事。 撰文:丁凱樂 報導連結

《TB單打日記》

兩位主持人 = 陳驚 x 日日 = 大談TB各種生活體驗 結合慘痛、爆笑、激氣、咸濕、好玩經歷 節目第一季由2018年開始,隔周四更新,喺網台BubbleAir.hk網上電台廣播。隨住BubbleAir.hk結束運作,我哋第二季開始移師Podcast平台 🎙Podcast收聽管道: Firstory♬:https://open.firstory.me/user/HongKongTB Spotify♬:https://spoti.fi/2SnNKeR Apple Podcast♬:https://bit.ly/HKTBpodcast 🛎每月25號上載新節目!

【無性別者.下】教同志拍片、跟街坊講平權:穿梭現實與虛擬作戰 (01社區 2018-05-16)

上周末的下午,銅鑼灣正值百貨公司感謝祭,東角道兩旁擠滿排隊血拼的人,中間的行人專用區則站滿擺檔的性小眾。他們一班性小眾每年「國際不再恐同日」前的周末均在此集會分享,今年想與路人多點互動,便走進人群派資料單張介紹。現場加上路過的掃貨客,儼如熱鬧嘉年華。 13年前同一個日子,這裏曾有班同志戴上面罩遊行,那時20歲的陳驚只敢裝成路人,遠遠在街角窺看。之後的13年,他漸漸栽進同志圈子,今天更在同一個位置,擺檔介紹自己的性小眾組織。 他的組織是個新媒體,卻覺得若隱身的性小眾只能網絡跟網友講,能現身搞同志運動的人,為何不走入社區跟街坊講?他想街坊「唔洗驚、唔洗八八卦卦講,有咩即管同我哋講,我哋就企喺你面前。」 撰文:林可欣 攝影:高仲明、鄭子峰 報導連結

【無性別者.上】30歲改名跨性 愛女人也愛陰柔男:我不是女同志 (01社區 2018-05-12)

人們望見眼前的一個人,習慣在三秒內憑他的樣貌打扮辨別他屬男或女。陳驚看上去卻令人很疑惑。他走到快餐店收銀阿姐問他:「阿妹食啲乜」;燒味師傅端上一個餐叫他:「肥仔食得喇」。他其實是非二元的跨性別者。 出生時性別為女性,他小學感覺自己喜歡同性,一直至幾年前他仍以為自己是女同志。他花了十多年時間才搞清楚自己是非男非女的「Gender X」性別身份,還有非同性戀或異性戀的性傾向。 了解清楚自己的性別認同後,他兩年前正式在身份證改了陳驚這中性名字。他請記者在報道稱「他」是中性的「他」,亦請別人毋須叫他陳先生或陳小姐,直呼其名就好了。保守人士抨擊他這樣「主觀」定義性別是扭曲常理。但若性別與性向本是如斯流動,他不過是想誠實做一個人。 撰文:林可欣 攝影:鄭子峰 報導連結

【勇敢去愛】《抱抱我的初戀》真實版 出櫃只為忠於自己 (蘋果娛樂 2018年05月10日)

電影《抱抱我的初戀》2018年5月在香港上映,首次有荷里活同志校園青春電影,電影刻畫了男主角Simon面對出櫃的心路歷程。 Cuby和Jimm在《動開戲》訪問中談及在十七八歲時,也曾因為性取向而迷惘,經歷過出櫃的掙扎。 出櫃與否,比起外界的眼光,反而自己對自己的身份認同更加重要。 報導連結:https://hk.entertainment.appledaily.com/entertainment/daily/article/20180510/20386168

拆解逆向歧視

Featured Video Play Icon

香港彩虹策劃,澄清這些對「平等機會概念」的逆向歧視誤解誤解。讓市民知道「逆向歧視」一詞不存在於所有國際人權論述裡,逆向歧視是對平等機會概念常見的誤解,產生於對社會權力架構的忽略。 PrideLab全力支持拍攝,包括撰寫影片大綱、劇本、安排拍攝及後期製作。