我們說過每年這天都要相聚🏳️🌈🏳️⚧️
想在一個紀念LGBT+的日子建立儀式感
本來是想在草坪上野餐，視察地點時還擔心太陽太猛甚麼的，卻忘了踏進5月開始雨季 …我們從來沒有舉辦戶外活動，下雨備用計劃準備不足，當天中午才臨時決定轉場地。在天橋下的公共空間，我們分享食物又集體遊戲。新知舊友都圍坐聊天，訴說過去，想像未來。
感謝一班實現員群策群力，迅速應變
籌委：Eunice、Kate、Ming、牛、阿根、林曉、陳驚
攝影：Ashley @ashjai_、 Charlie @lokting.ing
❤️🧡💛💚💙💜
最後分享部份參與嘅實現員感受💬
林曉 ：「偶然圍爐挺不錯⋯當日的我，異常地hyper! 也許是感受到現場的氣氛。現都慣於網絡生活，愈來愈少offline嘅活動，坊間亦不多LGBT+活動。與其他人溝通的過程中，會了解到不同人面對緊不同的問題。那天不是普通純交友的社交活動，而是有種互相分享、關懷及支援的感覺。」
牛：「今次活動分咗「過去」、「當下」同埋「未來」呢三個部分。而令我最深刻嘅係可以喺「當下」同PrideLab嘅朋友一齊傾計一齊玩一齊野餐。就算外面落住大雨，都要珍惜當下同朋友一齊相處嘅時光。」
Ming：「雖然計劃趕不上變化，當天的一切都跟想像中不同。但，無礙我們相聚。到頭來，為的不過是見見朋友，在漫長得像沒有盡頭的沉悶雨天找找樂趣。我想我們都做到了。」
Eunice：「謝謝PrideLab！令我記返起彩虹旗本身，真係俾到力量性/別小眾。當呢枝旗喺公共空間飄揚，眼見周圍嘅家長、小朋友唔係反感，亦無辱罵，只係好奇、微笑、再繼續過佢嘅週末。原來香港嘅多元意識，真係喺不知不覺間向前行緊。希望下一年再見嘅時候，你哋會加入一齊玩😊」
阿根：「實體見到條旗，心裡有份感動出現咗(⁎⁍̴̛ᴗ⁍̴̛⁎)因為見到好多唔同嘅人揸住佢所以覺得畫面好靚。一模一樣好似兵工廠咁，會令我覺得好冇特色，但因為有大家嘅多元，成件事好靚！有大家在一起真誠地傾下計 ，已經係最舒服嘅事。」
Ashley：「樂見大家都很投入各個環節^^慶幸有機會成為紀錄這些瞬間的角色。愛是強大的力量 。只要相信，日後一定會以更豐沛的面向延續下去~」
日日教練：「活動過程全程有好多意想不到嘅小遊戲，簡單一個聚會竟然幾有心思去設計一啲活動而帶到公眾msg出嚟。好難得係同partner加狗狗一齊出席活動，變成咗我哋一個週日嘅family gathering 咁🫶🏼所謂“大有大攪，細有細攪”。有心做就已經係💯」
Loona ：「感到驚喜的是，實現員Daily買來了蛋糕慶祝PrideLab的生日。不同小遊戲能令社區反思自己一直以來所面對的與性別身分相關的議題和感受，更能讓我們一班實現員有機會釐清自己的身心需要以及對於彩虹社群的寄語/期望。望以後亦有機會一期一會，無論雨下多久，總會出現虹光。」
家維：「社群從來都不單是個概念，而是一衆人，協力製造出來的成果。IDAHOBIT與 PrideLab 的朋友一起野餐、暢談、盡興。當中感受到獲接納、重視的那種溫暖，實在難能可貴。常言道，人與人的距離，越來越遙遠。所以衷心希望，更多人找到像 PrideLab 一般的、真摯的、屬於自己的社群。」